~~META:
title = Еўдакія Лось — Гняздо ластавак
&keywords = птушак, ластаўкі
&abstract = Чытаць верш Еўдакіі Лось "Гняздо ластавак"
&iftrue = nan
~~

====== Еўдакія Лось — Гняздо ластавак ======
//Сёстрам//

Вербы, абпаленыя перуном,\\
Вокал старога сяла – стаўкі...\\
Зляпілі гняздзечка над школьным акном\\
Дзве белагрудыя ластаўкі:\\
Віць-віць-віць...\\
Крылцы пачысцяць да ўсходу яны,\\
Неба нап’юцца світальнага,\\
I да змяркання цвірчыць ля сцяны\\
Песенька іх прывітальная:\\
Віць-віць-віць!\\
Перад кастрычнікам золкім, глухім\\
Птушак пацягне ў вырай.\\
Гняздо ж застанецца... I ўспомніцца ім\\
Радзіма з песенькай шчырай:\\
Віць-віць-віць,\\
Жыць-жыць-жынь!\\
\\
1961

 


===== Падобныя старонкі =====
  * [[творы/еўдакія-лось/еўдакія-лось-уцякач]]
  * [[творы/еўдакія-лось/еўдакія-лось-казка-пра-ласку]]
  * [[творы/еўдакія-лось/еўдакія-лось-зайчык-выхваляйчык]]
  * [[творы/еўдакія-лось/жыццёвы-і-творчы-шлях-еўдакіі-лось]]
  * [[творы/еўдакія-лось/еўдакія-лось-маці]]