~~META:
title = Данута Бічэль-Загнетава — Шчочку да вуснаў туліць...
&keywords = Данута, Бічэль, белая, русь
&abstract = Чытаць верш Дануты Бічэль-Загнетавай "Белая Русь"
&iftrue = nan
~~

====== Данута Бічэль-Загнетава — Шчочку да вуснаў туліць... ======
Шчочку да вуснаў туліць,\\
каб таямніцу спытаць:\\
— Белая Русь, матуля,\\
гэта дзяўчынка? Так?\\
\\
Як называецца дзіўна...\\
Ты пра яе раскажы.\\
— Белая Русь — радзіма.\\
Перад табой ляжыць.\\
\\
Крыкні — яна адгукнецца\\
звонам гарачых кос.\\
Кропля з ліста сарвецца,\\
ускалыхнецца плёс.\\
\\
Даль захлынецца громам —\\
Белая Русь запяе.\\
I азарыцца Нёман —\\
чыстае вока яе.

 


===== Падобныя старонкі =====
  * [[творы/алесь-разанаў/алесь-разанаў-радзіма]]
  * [[ibdc.ped>скарбы-нашай-радзімы]]
  * [[ibdc.ped>ганарымся-бацькаўшчынай]]
  * [[творы/янка-купала/тэма-народнага-жыцця-і-любоў-да-радзімы-]]
  * [[творы/алесь-бачыла/алесь-бачыла-радзіма-мая-дарагая]]