~~META:
title = Данута Бічэль-Загнетава — Фальклор
&keywords = Данута, Бічэль, Загнетава, фальклор
&abstract = Чытаць верш Дануты Бічэль-Загнетавай "Фальклор"
&iftrue = nan
~~

====== Данута Бічэль-Загнетава — Фальклор ======
Дзе на месцы палацяў\\
будуюцца ў спешцы палацы,\\
дзе месца сенсацый\\
на кожнай зялёнай палянцы,\\
заіскрылася песня\\
расінкай на елчынай лапцы —\\
скрыпяць мае лапці...\\
\\
У людзей працавітых\\
усмешкай адгавеліся вусны.\\
Хай палашчаць вясковую ластаўку\\
шчырыя вусы —\\
то скупую слязінку,\\
то з яснага неба гром...\\
Як сучасна быць гусляром!\\
\\
Не прыдумаць цяплейшага краю\\
за родную песню.\\
З ёй маўчу і смяюся,\\
за яе памру і ўваскрэсну.\\
У мінулым,\\
у будучай славе\\
ў народаў у ласцы —\\
скрыпяць мае лапці...

 


===== Падобныя старонкі =====
  * [[ibdc.ped>фальклорная-спадчына]]
  * [[творы/данута-бічэль-загнетава/данута-бічэль-загнетава-цётка]]
  * [[творы/данута-бічэль-загнетава/данута-бічэль-загнетава-бяроза]]
  * [[слоўнік/фальклор]]
  * [[творы/данута-бічэль-загнетава/данута-бічэль-загнетава-роднае-слова]]