~~META:
title = Данута Бічэль-Загнетава — Зубры
&keywords = ідуць, цары
&abstract = Чытаць верш Дануты Бічэль-Загнетавай "Зубры"
&iftrue = nan
~~

====== Данута Бічэль-Загнетава — Зубры ======
Як ідуць – чутно здаля.\\
Як бягуць – дрыжыць зямля.\\
Раптам спыняцца, нібы\\
карчаватыя дубы.\\
Два рагі, бы два сукі.\\
Цёмна-бурыя бакі.\\
Не ад працы цяжкай, не,\\
па гарбу ў іх на спіне!\\
Хто прыдумаў, што зубры –\\
беларускія цары?\\
Не цары – гаспадары\\
у дрымучым гушчары.\\
\\
Як ідуць, бары гудуць.\\
П’юць – успеняцца азёры.\\
Зарыкаюць – нікнуць зоры.\\
Узвышаюцца, як горы.\\
Хоць звяры яны, ды ўсё-ткі\\
неўміручыя, бы продкі.

 


===== Падобныя старонкі =====
  * [[ibdc.ped>гаспадар-пушчы]]
  * [[ibdc.ped>крэпасць-на-мяжы]]
  * [[ibdc.ped>у-белавежскай-пушчы]]
  * [[творы/мікола-чарняўскі/мікола-чарняўскі-каго-баіцца-зубр]]
  * [[ibdc.ped>зубрыная-сцежка]]