~~META:
title = Данута Бічэль-Загнетава — Дубы
&keywords = дуб, дубы
&abstract = Чытаць верш "Дубы" Дануты Бічэль-Загнетавай
&iftrue = nan
~~

====== Данута Бічэль-Загнетава — Дубы ======
Падставіў\\
дуб свой карак\\
на злосны буралом\\
ды ловіць вырай хмарак\\
маланкавым брылём.\\
\\
Дуб\\
на раўнюткай далечы,\\
цыгарку з громам смалячы,\\
нагробшы хмар ахапку,\\
купае ў хмарах шапку.\\
\\
Дубы\\
ў дрымучым гушчары\\
ў суках раструшчваюць вятры,\\
трымаюць навальніц напор,\\
сабой закрыўшы цёмны бор.\\
\\
Прад бураю маўчаць дубы,\\
хмар выпускаючы клубы.

 


===== Падобныя старонкі =====
  * [[творы/данута-бічэль-загнетава/данута-бічэль-загнетава-цётка]]
  * [[творы/данута-бічэль-загнетава/данута-бічэль-загнетава-фальклор]]
  * [[творы/данута-бічэль-загнетава/данута-бічэль-загнетава-роднае-слова]]
  * [[творы/данута-бічэль-загнетава/данута-бічэль-загнетава-бяроза]]
  * [[творы/данута-бічэль-загнетава/данута-бічэль-загнетава-не-называй-мяне-]]