~~META:
title = Генадзь Бураўкін — Я хачу прайсці па зямлі...
&keywords = паэта, крыніц, зямлі, аўтара, званы, зразумелым, блізкім, паэтычна, галасы, прайсці, хацелася, праблемы, песні
&abstract = Чытаць верш Генадзя Бураўкіна "Я хачу прайсці па зямлі..." Адказы на пытанні да верша
&iftrue = nan
~~

====== Генадзь Бураўкін — Я хачу прайсці па зямлі... ======
Я хачу прайсці па зямлі\\
Самым верным, любімым сынам.\\
Каб дарогі мяне вялі\\
Пад вятрамі прасторам сінім,\\
\\
Каб нямоўчна ў мяне на плячах\\
Росным раннем спявалі птушкі,\\
Каб я кветкамі ўсімі прапах\\
Ад падэшваў да самай макушкі,\\
\\
Каб легенды глухой сівізны\\
Мне з даверам дубы шапталі\\
I крыніц залатыя званы\\
Для мяне калыхалі хвалі.\\
\\
Я хачу прайсці па зямлі,\\
Каб мне людзі сэрца адкрылі,\\
Слёзы шчасця і мазалі\\
Па-братэрску са мной падзялілі,\\
\\
Каб мне роўную частку далі\\
Сваёй ношы нялёгкай пранесці\\
I свае галасы ўплялі\\
У мае няхітрыя песні...

**Адказы на пытанні:**\\
1. Паэт выказвае запаветнае жаданне быць блізкім, зразумелым для сваіх чытачоў, беларускіх людзей. Аўтара хвалюе праблема паэта і паэзіі, ён марыць "спяваць" так, каб у яго вершах адлюстравалася ўся прыгажосць беларускай зямлі, галасы птушак, шум лесу, спеў крыніц, людскія лёсы.\\
2. "Я" паэта можа быць выяўленнем пачуццяў кожнага з нас, толькі ў аўтара гэта атрымоўваецца лёгка, паэтычна і водгукам гучыць у нашых сэрцах.\\
Думкі паэта нам блізкія, бо нам хацелася, так адчуваць прыроду, яе хараство, непаўторнасць, асаблівасць, хацелася быць адкрытым і шчырым з людзьмі, разумець іх перажыванні і адчуванні. Гэта дапаможа лепш спазнаць свет, а таксама зразумець і па-новаму адкрыць сябе і свае пачуцці і эмоцыі.\\
3. Для паэта вельмі важна ведаць праблемы, радасці, захапленні кожнага чалавека, гэта гаворыць аб тым, што аўтара хвалююць праблемы чалавецтва, яго гора і радасць. Адлюстроўваючы гэта ў сваіх "песнях", ён становіцца блізкім, родным, зразумелым. Нездарма творы [[постаці/генадзь-бураўкін|Генадзя Бураўкіна]] вельмі любяць у народзе, яго вершы пакладзены на музыку, а песні сталі хітамі.\\
4. Аўтар паэтычна апісвае гукі крынічнай вады, якая бяжыць паміж каменьчыкаў і яшчэ здалёк у лесе чутно як яна цурчыць. Гэты залаты звон прывабны для чалавечага слыху, як і званы царкоўныя. Ды і нездарма ў нашай краіне так шмат святых крыніц.

 


===== Падобныя старонкі =====
  * [[творы/генадзь-бураўкін/генадзь-бураўкін-калыханка]]
  * [[постаці/генадзь-бураўкін]]
  * [[творы/генадзь-бураўкін/генадзь-бураўкін-настаўнікі-не-паміраюць]]
  * [[творы/генадзь-бураўкін/генадзь-бураўкін-шпак-спявае]]
  * [[творы/генадзь-бураўкін/генадзь-бураўкін-малітва]]