~~META:
title = Генадзь Бураўкін — Я не ганю землі чужыя...
&keywords = спяваць
&abstract = Верш Генадзя Бураўкіна "Я не ганю землі чужыя..."
&iftrue = nan
~~

====== Генадзь Бураўкін — Я не ганю землі чужыя... ======
Я не ганю землі чужыя, –\\
Хай іх сонца не абміне.\\
Толькі дзе б за морам ні жыў я,\\
Беларусь мая снілася мне.\\
\\
Так карцела – сляза закіпала, –\\
Каб да сэрца хаця б здалёк\\
Прыплывалі жалейка Купалы,\\
Багдановічаў васілёк...\\
\\
Гэта ўсё, безумоўна, не нова.\\
А ці трэба, каб новым было\\
Поле бацькава, матчына мова\\
І над хатай буслова жытло?\\
\\
Хіба душы свае не лечым\\
Ад бяздомных бядот і згрызот\\
Самым простым і самым вечным,\\
Што пранёс праз вякі народ?\\
\\
І якія б шляхі ні схадзіў я,\\
Кліча полацкая сенажаць...\\
А калі не спяваць аб Радзіме,\\
Дык навошта наогул спяваць?\\
\\
1979

 


===== Падобныя старонкі =====
  * [[творы/генадзь-бураўкін/генадзь-бураўкін-калыханка]]
  * [[постаці/генадзь-бураўкін]]
  * [[творы/генадзь-бураўкін/генадзь-бураўкін-малітва]]
  * [[творы/генадзь-бураўкін/генадзь-бураўкін-я-хачу-прайсці-па-зямлі]]
  * [[творы/генадзь-бураўкін/генадзь-бураўкін-шпак-спявае]]