~~META:
title = Генадзь Бураўкін — Эцюд рэўнасці
&keywords = цяпер
&abstract = Чытаць "Эцюд рэўнасці" Генадзя Бураўкіна
&iftrue = nan
~~

====== Генадзь Бураўкін — Эцюд рэўнасці ======
Нядаўна быў я чысты,

як дзіця,

Не кранутае цвіллю недаверу,\\
I чалавеку верыў больш, чым зверу,\\
I кожны дзень чакаў я адкрыцця.\\
\\
О Божа мой, як ты змяніла ўсё,\\
Як зруйнавала свет сваёю здрадай!\\
Цяпер я менш тваёй усмешцы рады,\\
Чым позірку прыручаных ласёў.\\
\\
Цяпер я лепей птушкам занясу\\
Маю, табой адпітую, пяшчоту.\\
Хай п’юць з маёй далоні,

як расу,

Ні кроплі не пакінуўшы на потым.\\
\\
Нічога не чакаю я, ані,\\
Хай зерне шчасця склёўвае сініца…\\
Чаму дала ты права мне ўсумніцца\\
У вернасці людской і дабрыні?..\\
\\
1975

 


===== Падобныя старонкі =====
  * [[постаці/генадзь-бураўкін]]
  * [[творы/генадзь-бураўкін/генадзь-бураўкін-малітва]]
  * [[творы/генадзь-бураўкін/генадзь-бураўкін-калыханка]]
  * [[творы/генадзь-бураўкін/генадзь-бураўкін-шпак-спявае]]
  * [[творы/генадзь-бураўкін/генадзь-бураўкін-я-хачу-прайсці-па-зямлі]]