~~META:
title = Генадзь Бураўкін — Шпак спявае
&keywords = шпак, верш
&abstract = Аналіз верша Генадзя Бураўкіна "Шпак спявае"
&iftrue = nan
~~

====== Генадзь Бураўкін — Шпак спявае ======
Шпак спявае…

Стамлёныя крылы – ўразлёт,

Ад зямнога, вясновага шчасця зажмураны вочы.\\
Доўга песню хаваў ён за морам ад сцюжы і слот –\\
I яна ў цёплай дзюбе цяпер і звініць, і булькоча.\\
Падлятае,

трымціць –

не сядзіцца шпаку,

Быццам недзе хапіў непатухлага жару\\
I збіраецца з клейкіх пупышак на кожным суку\\
Распаліць

сто маленькіх

зялёных пажараў…

\\
1960\\


Аналіз верша:\\
1. Паэта ўсхвалявала песня шпака, першага вестуна вясны. Ён стомлены прыляцеў на Радзіму і прынёс з сабой вясну. Яго песня «звініць і булькоча».\\
2. Шпак адчувае шчасце, ён вярнуўся на Радзіму («ад зямнога, вясновага шчасця зажмураны вочы»). Птушка ўсхвалявана, ёй не сядзіцца («падлятае, трымціць»).\\
3. Аўтар заўважыў усхваляванасць, узбуджанасць шпака, які «збіраецца з клейкіх пупышак на кожным суку распаліць сто маленькіх зялёных пажараў... ».\\
4. [[постаці/генадзь-бураўкін|Генадзь Бураўкін]] выкарыстоўвае [[слоўнік/эпітэт|эпітэты]] («стамлёныя крылы», «вясновае шчасце», «непатухлы жар», «зялёныя пажары»), [[слоўнік/метафара|метафары]] («песню хаваў за морам», «песня звініць і булькоча», «збіраецца распаліць сто маленькіх пажараў»). Яны надаюць вершу выразнасць, ствараюць яркія вобразы.

 


===== Падобныя старонкі =====
  * [[ibdc.ped>бясхвосты-шпак]]
  * [[ibdc.ped>шпак]]
  * [[творы/яўген-крупенька/яўген-крупенька-шпак]]
  * [[творы/янка-журба/янка-журба-шпак]]
  * [[творы/кастусь-жук/кастусь-жук-шпак-купіў-магнітафон]]