~~META:
title = Генадзь Бураўкін — Чаму павінен плакаць чалавек...
&keywords = чалавек, плакаць
&abstract = Чытаць верш Генадзя Бураўкіна "Чаму павінен плакаць чалавек..."
&iftrue = nan
~~

====== Генадзь Бураўкін — Чаму павінен плакаць чалавек... ======
Чаму павінен плакаць чалавек,\\
Калі ён хоча весела смяяцца,\\
Калі яму ўсяго гадоў семнаццаць\\
I таямніца свеціць з-пад павек?\\
\\
За што яму бязладнае жыццё\\
Суровыя сюрпрызы падкідае,\\
Калі яго сяброўка маладая\\
Нясе ў сабе ягонае дзіцё?\\
\\
Навошта ён даверліва пачаў\\
Начную споведзь з вопытным суседам,\\
Калі пасля прыйшлі за ёю следам\\
I здрада,\\
I знявага,\\
I адчай?\\
\\
Чаму такі непрымірымы век,\\
I помніць крыўду горкую старую,\\
I ўсіх памылак даўніх не даруе?..\\
Чаму павінен плакаць чалавек?!\\
\\
1995

 


===== Падобныя старонкі =====
  * [[творы/генадзь-бураўкін/генадзь-бураўкін-я-хачу-прайсці-па-зямлі]]
  * [[творы/генадзь-бураўкін/генадзь-бураўкін-шпак-спявае]]
  * [[постаці/генадзь-бураўкін]]
  * [[творы/генадзь-бураўкін/генадзь-бураўкін-малітва]]
  * [[творы/генадзь-бураўкін/генадзь-бураўкін-калыханка]]