~~META:
title = Генадзь Бураўкін — Удача
&keywords = удача
&abstract = Чытаць верш "Удача" Генадзя Бураўкіна
&iftrue = nan
~~

====== Генадзь Бураўкін — Удача ======
Удача –\\
Сяброўка такая,\\
Што лішне ў адданасць не вер.\\
То лашчыцца,\\
А то ўцякае,\\
Як позна прыручаны звер.\\
То весела скача,\\
То плача,\\
То славіць цябе,\\
То кляне.\\
\\
Чужая каханка –\\
Удача\\
Аднойчы была і ў мяне.\\
Гуляла са мной\\
I спявала,\\
Збірала сяброў да стала\\
I ноччу з пустога вакзала\\
У сінім вагоне ўцякла.\\
Як здань, адплыла ў наваколле,\\
Растала ў сутонні бароў…\\
А мне засталося вуголле\\
Ад зыркіх бяседных кастроў…\\
\\
1994

 


===== Падобныя старонкі =====
  * [[творы/генадзь-бураўкін/генадзь-бураўкін-я-хачу-прайсці-па-зямлі]]
  * [[творы/генадзь-бураўкін/генадзь-бураўкін-малітва]]
  * [[творы/генадзь-бураўкін/генадзь-бураўкін-шпак-спявае]]
  * [[постаці/генадзь-бураўкін]]
  * [[творы/генадзь-бураўкін/генадзь-бураўкін-калыханка]]