Там,
Дзе сонца ранняе
Над лугамі коціцца,
Дзе вярба пахілая
Ля ракі маркоціцца,
Дзе рамонкі белыя
Пад нагамі сцелюцца,
Дзе яліны стромкія
Проста ў неба цэляцца,
Дзе над студняй нізкаю
Журавель
Укленчаны,
Дзе лясныя прыцемкі
Светлячкамі ўквечаны,
Дзе цвыркун за печкаю
Аж да рання цікае,
Дзе лагода вечная,
Як малітва ціхая —
Там
Пара дзіцячая
У закутку месціцца
Згубленаю цацкаю,
Водбліскамі месяца,
Крыўдаю дзяцінаю,
Казкаю забытаю…
Памяць
Павуцінаю
Там мой след абблытвае…

• успаміны-дзяцінства
• уладзімір-жылка/уладзімір-жылка-матылі
• сцяжыны-дзяцінства
• успаміны-дзяцінства-3476
• анатоль-грачанікаў/анатоль-грачанікаў-развітанне