~~META:
title = Генадзь Бураўкін — Пакуль жывы...
&keywords = жывы, жыцці
&abstract = Чытаць верш "Пакуль жывы..." Генадзя Бураўкіна
&iftrue = nan
~~

====== Генадзь Бураўкін — Пакуль жывы... ======
Пакуль жывы,\\
Турбуйся аб жыцці,\\
Але пра смерць не забывай таксама,\\
Каб з першым і апошнім словам «мама»,\\
З якім у свет прыйшоў,\\
З яго пайсці.\\
\\
Паспей для ўнука дрэва пасадзіць\\
I пыл з іконы старадаўняй сцерці.\\
I памятай заўсёды:\\
Толькі ў смерці\\
Ёсць права ўсё спакойна рассудзіць.\\
\\
Не мітусіся лішне –\\
Усяго\\
Купіць,\\
Нагрэбці,\\
Нахапаць\\
Няможна,\\
I драбязу не пхні ў рукзак дарожны –\\
Ты ж хочаш сыну перадаць яго.\\
\\
Не бойся смерці –\\
У тваёй крыві\\
Хапае і агню, і засцярогі.\\
Не саступай з абранае дарогі.\\
Пакуль жывы,\\
Жыві!\\
\\
1995

 


===== Падобныя старонкі =====
  * [[творы/алесь-гарун/алесь-гарун-жыццё]]
  * [[творы/сяргей-грахоўскі/сяргей-грахоўскі-бяссмерце]]
  * [[творы/сяргей-грахоўскі/сяргей-грахоўскі-казкі-жыцця]]
  * [[творы/леанід-галубовіч/леанід-галубовіч-дзяцінства-пачынаецца-з]]
  * [[творы/максім-багдановіч/максім-багдановіч-жывеш-не-вечна-чалавек]]