~~META:
title = Генадзь Бураўкін — Падаюць яблыкі
&keywords = яблыкі, восень
&abstract = Чытаць верш "Падаюць яблыкі" Генадзя Бураўкіна
&iftrue = nan
~~

====== Генадзь Бураўкін — Падаюць яблыкі ======
Падаюць яблыкі –\\
Тупае восень па садзе.\\
Жоўтае лісце\\
Мяце на кляновай градзе.\\
А надвячоркам\\
На прызбе нячутна прысядзе\\
І залацісты праменьчык\\
Ля ног пакладзе.\\
\\
Будзе пра лета мінулае\\
Думаць паціху.\\
Гляне спакойна\\
На познія кветкі ў вакне.\\
Здыме нязлосна\\
Са смуглай шчакі павуцінку\\
І гаркаваты начлежны дымок\\
Пракаўтне.\\
\\
А як да цёплых сцяжынак\\
Падступяцца росы\\
І пахаваюцца\\
Змоўклыя птушкі ў гаях,\\
Пойдзе\\
Насустрач змярканню халоднаму\\
Восень – Можа, яшчэ не мая,\\
Хай бы яшчэ не мая...

 


===== Падобныя старонкі =====
  * [[творы/алесь-гарун/алесь-гарун-восень]]
  * [[слоўнік/восеньскія-песні]]
  * [[творы/ніна-мацяш/ніна-мацяш-восень]]
  * [[творы/алесь-салавей/алесь-салавей-восень]]
  * [[творы/уладзімір-дубоўка/уладзімір-дубоўка-залатая-асенняя-раніца]]