~~META:
title = Генадзь Бураўкін — Не ўгонішся ніяк за часам...
&keywords = часам, усё
&abstract = Чытаць верш Генадзя Бураўкіна "Не ўгонішся ніяк за часам..."
&iftrue = nan
~~

====== Генадзь Бураўкін — Не ўгонішся ніяк за часам... ======
Не ўгонішся ніяк за часам\\
Ні цягніком,\\
Ні на кані.\\
Зноў разбрыліся самапасам\\
Табе адведзеныя дні.\\
\\
За ўсім адразу не паспееш,\\
Жыццё, як воблачка, сплыве.\\
I валасоў, брат, не пасееш\\
На аблыселай галаве.\\
\\
I шчасця хітрую жар-птушку\\
Не зловіш за агністы хвост,\\
Як ні прыладжвай ёй кармушку,\\
Як ні бяжы за ёй наўпрост...\\
\\
Усё будзённей і звычайней,\\
Усё прасцей і весялей.\\
Не варта кідацца ў адчаі,\\
Калі ты сёння не ў сядле.\\
\\
Жыві сваёй галоўнай працай.\\
Трымайся даўніх добрых вех...\\
А што за часам нам не ўгнацца,\\
Дык гэта ўжо такі наш век...\\
\\
1969

 


===== Падобныя старонкі =====
  * [[творы/алесь-гарун/алесь-гарун-жыццё]]
  * [[творы/леанід-галубовіч/леанід-галубовіч-дзяцінства-пачынаецца-з]]
  * [[творы/максім-багдановіч/максім-багдановіч-жывеш-не-вечна-чалавек]]
  * [[творы/сяргей-грахоўскі/сяргей-грахоўскі-бяссмерце]]
  * [[творы/сяргей-грахоўскі/сяргей-грахоўскі-казкі-жыцця]]