~~META:
title = Генадзь Бураўкін — Настаўнікі не паміраюць...
&keywords = настаўнікі
&abstract = Чытаць верш Генадзя Бураўкіна "Настаўнікі не паміраюць..."
&iftrue = nan
~~

====== Генадзь Бураўкін — Настаўнікі не паміраюць... ======
//Памяці [[постаці/пімен-панчанка|Пімена Панчанкі]]//\\
\\
Настаўнікі не паміраюць,\\
А аддаляюцца ад нас\\
I зверху строга назіраюць,\\
Як мы вядзём свой рэй і час.\\
\\
Яны не могуць нам нічога\\
Ні адмяніць, ні загадаць,\\
А толькі смутнаю трывогай\\
Свой ціхі голас нам падаць.\\
\\
У небе роспачнасці\\
Поўняй\\
Іх думка ясная плыве.\\
Яны жывуць,\\
Пакуль мы помнім\\
I вопыт іх, і запавет.\\
\\
Мы не адразу зразумеем,\\
Як цяжка ўзняць было б крыло\\
I ўзвіцца ўверх назло завеям,\\
Каб іх на свеце не было.\\
\\
Яны з далёкасці сусветнай\\
Душою светлай кожны міг\\
За намі сочаць непрыкметна,\\
Аж покуль прыйдзем мы да іх…\\
\\
1995

 


===== Падобныя старонкі =====
  * [[творы/мікола-гіль/мікола-гіль-першы-настаўнік]]
  * [[творы/эдзі-агняцвет/эдзі-агняцвет-буду-настаўнікам]]
  * [[творы/іван-навуменка/іван-навуменка-настаўнік-чарчэння]]
  * [[творы/уладзімір-шыцік/уладзімір-шыцік-настаўнік]]
  * [[ibdc.ped>настаўнік-чарчэння]]