~~META:
title = Генадзь Бураўкін — Мы хочам зразумець галактык мову...
&keywords = зразумець
&abstract = Верш Генадзя Бураўкіна "Мы хочам зразумець галактык мову..."
&iftrue = nan
~~

====== Генадзь Бураўкін — Мы хочам зразумець галактык мову... ======
Мы хочам зразумець галактык мову.\\
А хто мне скажа,\\
думае аб чым\\
Сцяжынка ў полі,\\
спелы бор сасновы,\\
Рачулка,\\
што прыцмоквае ўначы?\\
\\
Хто разгадае слёзы шэрай кані?\\
Хто расшыфруе для маёй душы\\
Аленя закаханага рыканне\\
І салаўіны цёхкат у цішы?\\
\\
Свае званы пагойдваюць азёры.\\
Звініць гаёў кастрычніцкая медзь...\\
Мы слухаем маўклівае міжзор’е,\\
А блізкіх нам не можам зразумець.

\\
\\
Крыніца: Бураўкін Г. Выбранае: 1955-1995: Вершы, паэмы, казкі, песні. – Мн.: Маст. літ., 1998. – 382 с.\\


 


===== Падобныя старонкі =====
  * [[творы/генадзь-бураўкін/генадзь-бураўкін-калыханка]]
  * [[творы/генадзь-бураўкін/генадзь-бураўкін-малітва]]
  * [[постаці/генадзь-бураўкін]]
  * [[творы/генадзь-бураўкін/генадзь-бураўкін-я-хачу-прайсці-па-зямлі]]
  * [[творы/генадзь-бураўкін/генадзь-бураўкін-шпак-спявае]]