~~META:
title = Генадзь Бураўкін — Месяц – жоўтая лодка...
&keywords = месяц, лодка, жоўтая, генадзь, бураўкін
&abstract = Чытаць верш Генадзя Бураўкіна "Месяц – жоўтая лодка..."
&iftrue = nan
~~

====== Генадзь Бураўкін — Месяц – жоўтая лодка... ======
Месяц – жоўтая лодка –\\
Плыве між аблокаў.\\
Пахне мятай\\
Салодка-салодка,\\
Далёка-далёка.\\
\\
У абвялых пракосах\\
Дрэмле ціша святая.\\
Твае цёплыя косы\\
Я няўмелай рукой расплятаю.\\
\\
I з рамонкамі белымі\\
Уплятаю ў іх сцежку вузкую.\\
I лаўлю ашалела\\
Сухія гарачыя вусны.\\
\\
I цалую

і шыю,

і локці…

А ва ўсім вінаваты\\
Месяц – жоўтая лодка –\\
Ды салодкая мята.\\
\\
1964\\


\\
Крыніца: Генадзь Бураўкін. Выбраныя творы; уклад., камент. Г. Бураўкіна; прадм. У. Някляева. – Мінск: Кнігазбор, 2009. – 536 с. («Бeлapycкi кнiгaзбop»: Сepыя 1. Мacтaцкaя лiтapaтypa).

 


===== Падобныя старонкі =====
  * [[творы/генадзь-бураўкін/генадзь-бураўкін-шпак-спявае]]
  * [[постаці/генадзь-бураўкін]]
  * [[творы/генадзь-бураўкін/генадзь-бураўкін-калыханка]]
  * [[творы/генадзь-бураўкін/генадзь-бураўкін-я-хачу-прайсці-па-зямлі]]
  * [[творы/генадзь-бураўкін/генадзь-бураўкін-малітва]]