~~META:
title = Генадзь Бураўкін — Курапаты
&keywords = курапаты, курапаты, спакоем, дыханне, аблачынка, сіняве, вечным, густой, людское, дайце
&abstract = Чытаць верш Генадзя Бураўкіна "Курапаты"
&iftrue = nan
~~

====== Генадзь Бураўкін — Курапаты ======
Аплывае жывіца\\
Да карэнняў шурпатых.\\
Я прыйшоў пакланіцца\\
Да вас, Курапаты.\\
Сосны, нібы званіцы,\\
Над палянамі ўзняты.\\
Дайце ж мне памаліцца\\
На вас, Курапаты.\\
Дайце мне павініцца,\\
Курапаты.

А над вечным спакоем\\
У густой сіняве,\\
Як дыханне людское,\\
Аблачынка плыве.

Тут палеглі бязвінна\\
Песняры і салдаты.\\
Не ўтравеюць сцяжыны\\
Да вас, Курапаты.\\
Распіналі Айчыну\\
Дрот калючы і краты.\\
Дараваць не павінны\\
Мы вас, Курапаты.\\
Боль не знойдзе спачыну,\\
Курапаты.

\\
Час мінулы, пракляты…\\
Сэрца горам працята…\\
Праклінаем вас, каты!..\\
Курапаты…\\
Курапаты…

А над вечным спакоем\\
У густой сіняве,\\
Як дыханне людское,\\
Аблачынка плыве…

Курапаты…\\
\\
\\
1987

 


===== Падобныя старонкі =====
  * [[творы/васіль-быкаў/васіль-быкаў-жоўты-пясочак]]
  * [[творы/сяргей-грахоўскі/сяргей-грахоўскі-вечная-памяць]]
  * [[творы/сяргей-грахоўскі/сяргей-грахоўскі-ахвяры]]
  * [[творы/алесь-звонак/алесь-звонак-курапаты]]
  * [[творы/максім-танк/максім-танк-курапаты]]