~~META:
title = Генадзь Бураўкін — Край мой…
&keywords = край
&abstract = Чытаць верш Генадзя Бураўкіна "Край мой…"
&iftrue = nan
~~

====== Генадзь Бураўкін — Край мой… ======
Не залаты зусім,

не срэбны,

Быў на табе заўсёды ўбор\\
Звычайны самы,

самы зрэбны –

Зялёны луг ды сіні бор,\\
Каля дарогі жыта ў полі,\\
Вярба старая ля ракі\\
Ды ў жоўтым восеньскім прыполе\\
Рабін даспелых аганькі.\\
\\
Ты не сляпіў вачэй.\\
Быў просты\\
Ва ўсе вякі твой родны ўзор:\\
Гаёў бялюткая бяроста,\\
Густы блакіт лясных азёр,\\
I лён, зусім як неба, сіні,\\
I ўсе ў рамонках берагі…\\
Мой беларускі,

мой адзіны

Край ад калыскі дарагі…\\
\\
1966

 


===== Падобныя старонкі =====
  * [[ibdc.ped>свой-край]]
  * [[творы/авяр-ян-дзеружынскі/авяр-ян-дзеружынскі-я-спяваю-ты-спявай]]
  * [[ibdc.ped>мой-край]]
  * [[ibdc.ped>святло-радзімы]]
  * [[творы/васіль-зуёнак/васіль-зуёнак-будучыня]]