~~META:
title = Генадзь Бураўкін — Калыханка
&keywords = Бураўкін, калыханка
&abstract = Чытаць тэкст калыханкі на словы Генадзя Бураўкіна
&iftrue = nan
~~

====== Генадзь Бураўкін — Калыханка ======
Доўгі дзень, цёплы дзень,\\
Адплывае за аблокі.\\
Сіні цень, соны цень\\
Адпаўзае ў кут далёкі.\\
\\
Збеглі зайкі ўсе ў лясы,\\
Змоўклі птушак галасы,\\
І буслы ў гняздо схавалі\\
Свае доўгія насы.\\
\\
Баю-бай, баю-бай,\\
Вачаняты закрывай.\\
\\
Пакрысе на расе\\
Патухаюць зоркі-сплюшкі,\\
Гульні ўсе, казкі ўсе\\
Пахаваны пад падушкі.\\
\\
Спяць і мышкі, і стрыжы,\\
Спяць машыны у гаражы,\\
Ты так сама каля мамы\\
Ціха-ціхенька ляжы.\\
\\
Баю-бай, баю-бай,\\
Вачаняты закрывай.\\
Баю-бай, баю-бай,\\
Разам з намі засынай…

 


===== Падобныя старонкі =====
  * [[слоўнік/калыханка]]
  * [[творы/алесь-камароўскі/алесь-камароўскі-чарнобыльская-калыханка]]
  * [[ibdc.ped>калыханка]]
  * [[творы/ніна-мацяш/ніна-мацяш-калыханка-маме]]
  * [[творы/васіль-вітка/васіль-вітка-калыханка]]