~~META:
title = Генадзь Бураўкін — Жанчын прыгожых трэба берагчы...
&keywords = жанчын, прыгожых, берагчы
&abstract = Чытаць верш Генадзя Бураўкіна "Жанчын прыгожых трэба берагчы..."
&iftrue = nan
~~

====== Генадзь Бураўкін — Жанчын прыгожых трэба берагчы... ======
Жанчын прыгожых трэба берагчы\\
Ад пошласці, каварства і знявагі,\\
I ад мяшчанскай зайздрасці і звягі,\\
I ад залішняй ветласці і ўвагі,\\
I ад рукі нахабнай на плячы.\\
\\
Яны прыйшлі на грэшную зямлю,\\
Як сны і летуценні залатыя,\\
Жаданыя і трошачкі святыя,\\
Нязнанага суладдзя панятыя, –\\
Святлом напоўніць вечнае «люблю».\\
\\
Не дайце іх зняславіць і запляміць,\\
Не рвіцеся ўчыняць над імі суд.\\
Хай горда па жыцці яны нясуць\\
Вясны юначай радасную памяць,\\
Зачаравання невыказны цуд…\\
\\
1985

 


===== Падобныя старонкі =====
  * [[творы/янка-сіпакоў/янка-сіпакоў-жанчына]]
  * [[творы/віктар-карамазаў/віктар-карамазаў-жанчына-ў-чорным-і-афга]]
  * [[творы/анатоль-вярцінскі/анатоль-вярцінскі-жаночая-гордасць]]
  * [[творы/эдуард-акулін/эдуард-акулін-жанчына]]
  * [[творы/сяргей-грахоўскі/сяргей-грахоўскі-плача-жанчына]]