~~META:
title = Генадзь Бураўкін — Дрэвы
&keywords = адзінокі, моўчкі, слухаў
&abstract = Чытаць верш Генадзя Бураўкіна "Дрэвы"
&iftrue = nan
~~

====== Генадзь Бураўкін — Дрэвы ======
Навальніцаю вецер дыхнуў над ракою\\
І раптоўна прыціх у трывожным спакоі.\\
\\
Задрыжалі тады, застагналі асіны,\\
Нібы літасці ў хмарнага неба прасілі,\\
\\
Трапяткімі лістамі хацелі акрыцца,\\
Каб не бачыць, як далеч спаўе бліскавіца.\\
\\
Каранасты дубок быў зусім адзінокі,\\
Моўчкі слухаў ён буры далёкія крокі.\\
\\
Як салдат перад штурмам чакае ракеты,\\
Ён маланкі чакаў, каб падужацца з ветрам.

 


===== Падобныя старонкі =====
  * [[творы/генадзь-бураўкін/генадзь-бураўкін-калыханка]]
  * [[творы/генадзь-бураўкін/генадзь-бураўкін-шпак-спявае]]
  * [[постаці/генадзь-бураўкін]]
  * [[творы/генадзь-бураўкін/генадзь-бураўкін-я-хачу-прайсці-па-зямлі]]
  * [[творы/генадзь-бураўкін/генадзь-бураўкін-малітва]]