~~META:
title = Віталь Вольскі — Як зімуюць рыбы
&keywords = ляшчы, мянтуз, плоткі, лёдам, месцах, трымаюцца, глыбокіх
&abstract = Чытаць апавяданне Віталя Вольскага "Як зімуюць рыбы"
&iftrue = nan
~~

====== Віталь Вольскі — Як зімуюць рыбы ======
Рыбы пад лёдам трымаюцца ў глыбокіх месцах.\\
Плоткі, ляшчы і многія іншыя ляжаць нерухома ў ямах на дне рэк і азёр. Яны ахутаны сліззю, якая ахоўвае іх ад холаду.\\
А шчупак і зімой плавае пад лёдам, палюе на іншых рыб, але не так спрытна і жвава, як улетку.\\
Акуні ў пошуках здабычы і свежага паветра выплываюць часам на паверхню вады ў палонках.\\
Мянтуз любіць халодную ваду і адчувае сябе зімою лепш, чым летам. У марозны зімовы час, у канцы снежня і ў пачатку студзеня, мянтуз нерастуе. Ікру ён адкладвае ў глыбокіх месцах, на пясчаным дне.\\
Кожны від рыб зімуе асобна ад іншых. Плоткі трымаюцца разам з плоткамі ў адным месцы, ляшчы разам з ляшчамі ў другім. Карасі і ліні зімуюць, закапаўшыся ў глей на дне вадаёма.

 


===== Падобныя старонкі =====
  * [[ibdc.ped>незвычайная-рыба]]
  * [[творы/рыгор-ігнаценка/рыгор-ігнаценка-каму-холадна-каму-душна]]
  * [[ibdc.ped>важкі-промысел]]
  * [[ibdc.ped>жыццё-ў-вадаёме]]
  * [[ibdc.ped>стронга]]