~~META:
title = Віктар Гардзей — Сонца з-за лесу ўстае...
&keywords = вусны, мілыя, сонца, белыя, буслоў, ўстае
&abstract = Чытаць верш Віктара Гардзея "Сонца з-за лесу ўстае..."
&iftrue = nan
~~

====== Віктар Гардзей — Сонца з-за лесу ўстае... ======
Сонца з-за лесу ўстае.\\
Лёт у буслоў невысокі.\\
Бледныя вусны твае,\\
Белыя, белыя шчокі.\\
\\
Смутак яшчэ не прайшоў,\\
I засталася трывога.\\
Бачыш, у ранніх буслоў\\
Шчасця і радасці многа.\\
\\
Дык і сама не тужы,\\
Дык і гаркоты не помні.\\
Робяць буслы віражы,\\
Першыя згледзеўшы промні.\\
\\
Колер вясёлых рабін\\
Дужа кантрасны з табою.\\
Добра, што я не адзін\\
Гэтай іду раніцою.\\
\\
Час, калі сонца ўстае,\\
Вод арам лета спакусны.\\
Любыя вочы твае,\\
Мілыя, мілыя вусны.

\\
\\
Крыніца: Галасы вёснаў: Сучасная беларуская паэзія / Уклад. А. І. Бельскі, У. А. Дзіско; – Мінск: Полымя, 1997. – 318 с.

 


===== Падобныя старонкі =====
  * [[творы/віктар-гардзей/віктар-гардзей-лясная-трывога]]
  * [[творы/віктар-гардзей/віктар-гардзей-бедная-басота-урывак]]
  * [[творы/віктар-гардзей/віктар-гардзей-старыя-жорны]]
  * [[творы/віктар-гардзей/віктар-гардзей-падарожжа-ў-цельшына]]
  * [[творы/віктар-гардзей/віктар-гардзей-каламутная-вада]]