~~META:
title = Віктар Гардзей — Сойка-лесавод
&keywords = запас, сойка
&abstract = Верш Віктара Гардзея "Сойка-лесавод"
&iftrue = nan
~~

====== Віктар Гардзей — Сойка-лесавод ======
Садзяць леснікі штогод\\
І дубкі, і хвойкі.\\
А хіба ж не лесавод\\
Весялуха-сойка?\\
\\
Птушка чуе халады\\
І ў асенняй пушчы\\
То збірае жалуды,\\
То арэхі лушчыць.\\
\\
Не спалохае зіма\\
Галадоўкай птушку:\\
На запас чаго няма\\
Ў сховах весялушкі.\\
\\
Толькі вось бяда адна:\\
Сойка забывае\\
Тыя месцы, дзе яна\\
Свой запас хавае.\\
\\
Дрэўцы вырастаюць там –\\
Ці дубок, ці хвойка.\\
Лес вырошчваць леснікам\\
Памагае сойка!

 


===== Падобныя старонкі =====
  * [[ibdc.ped>сойка]]
  * [[творы/янка-брыль/увесь-свет-адзін-дом-па-раману-янкі-брыл]]
  * [[творы/янка-брыль/раман-янкі-брыля-птушкі-і-гнёзды-вобраз-]]
  * [[творы/пімен-панчанка/пімен-панчанка-крык-сойкі]]
  * [[ibdc.ped>снегавыя-ванны]]