~~META:
title = Віктар Гардзей — Рагаты грыбнік
&keywords = кашлатых, грыбнік
&abstract = Чытаць верш Віктара Гардзея "Рагаты грыбнік"
&iftrue = nan
~~

====== Віктар Гардзей — Рагаты грыбнік ======
Паміж ялін кашлатых,\\
Па верасе ў расе\\
Ідзе грыбнік рагаты\\
I барадой трасе.\\
\\
Лясныя помніць сцежкі\\
I ляды, дзе заўжды\\
Збірае сыраежкі,\\
Апенькі і грузды.\\
\\
Гаямі і барамі\\
Не ходзіць ён з кашом,\\
Грыбы бярэ губамі\\
Ці ліжа языком.\\
\\
Яго між дрэў кашлатых\\
Вітае пушча ўся.\\
У грыбніку рагатым\\
Як не пазнаць лася!\\
\\
У шапачцы прывабнай\\
Мільгнецца баравік,\\
Дык перад ім нязграбна\\
Аж кленчыць той грыбнік.

 


===== Падобныя старонкі =====
  * [[творы/еўдакія-лось/еўдакія-лось-зайчык-выхваляйчык]]
  * [[творы/еўдакія-лось/еўдакія-лось-казка-пра-ласку]]
  * [[творы/еўдакія-лось/еўдакія-лось-уцякач]]
  * [[творы/еўдакія-лось/жыццёвы-і-творчы-шлях-еўдакіі-лось]]
  * [[творы/еўдакія-лось/еўдакія-лось-маці]]