~~META:
title = Віктар Гардзей — Пралескі
&keywords = свішча, салавей, паслухаўшы, спеў, вішні, заранка
&abstract = Чытаць верш Віктара Гардзея "Пралескі"
&iftrue = nan
~~

====== Віктар Гардзей — Пралескі ======
На выспы і на ўзлескі,\\
На сонечны прыгрэў\\
Разбегліся пралескі\\
З-пад азалелых дрэў.\\
\\
Набраклі сокам клёны.\\
Пах кружыць галаву.\\
Спусціўся дождж зялёны\\
На лес і на траву.\\
\\
Птушыны грай святлістым ранкам\\
Усё смялей, усё гучней.\\
Пяе на яблыні заранка,\\
На вішні свішча салавей.\\
\\
Паслухаўшы іх спеў натхнёны,\\
Гарбуз і той на нізкі плот\\
Павесіў цвету мікрафоны\\
I штось мурлыча, быццам кот.

 


===== Падобныя старонкі =====
  * [[ibdc.ped>пралеска]]
  * [[творы/віктар-гардзей/віктар-гардзей-лясная-трывога]]
  * [[творы/віктар-гардзей/віктар-гардзей-каламутная-вада]]
  * [[ibdc.ped>пралескі]]
  * [[творы/віктар-гардзей/віктар-гардзей-старыя-жорны]]