~~META:
title = Віктар Гардзей — На поле лёг асенні роздум...
&keywords = ляцяць, крычаць, гнёзды, зберагаем
&abstract = Чытаць верш Віктара Гардзея "На поле лёг асенні роздум..."
&iftrue = nan
~~

====== Віктар Гардзей — На поле лёг асенні роздум... ======
На поле лёг асенні роздум,\\
Смуга – на лес, лісток – на гаць.\\
Нам птушкі давяраюць гнёзды,\\
Калі ў субтропікі ляцяць.\\
\\
Ляцяць над лугам і над нівай.\\
Ляцяць за шэры край нябёс.\\
I мы жадаем ім: «Шчасліва!»\\
I нам баліць птушыны лёс.\\
\\
Крычаць над борам і над гаем.\\
Крычаць у скрусе і жальбе.\\
Калі мы гнёзды зберагаем,\\
То зберагаем і сябе.\\
\\
Ляціце, мілыя, ляціце!\\
Пакуль давер ёсць на зямлі,\\
Жаўрук зазвоніць у блакіце\\
I зноў пратрубяць жураўлі.

 


===== Падобныя старонкі =====
  * [[творы/янка-брыль/птушкі-i-гнёзды-гнёзды-за-дымам-аповесць]]
  * [[ibdc.ped>птушкі-шчасця]]
  * [[творы/янка-брыль/птушкі-i-гнёзды-сцюдзёны-вырай-аповесць-]]
  * [[творы/янка-брыль/увесь-свет-адзін-дом-па-раману-янкі-брыл]]
  * [[творы/янка-брыль/раман-янкі-брыля-птушкі-і-гнёзды-вобраз-]]