~~META:
title = Віктар Гардзей — Залаты лістапад
&keywords = лістапад
&abstract = Чытаць верш Віктара Гардзея "Залаты лістапад"
&iftrue = nan
~~

====== Віктар Гардзей — Залаты лістапад ======
У лясах, на балоце\\
ліставей,\\
лістапад.\\
І стаіць у пяшчоце\\
залацісты наш сад.\\
\\
Павуцінай затканы\\
сенажаці,\\
лугі.\\
Лёг на лес, на паляны\\
сіні водсвет смугі.\\
\\
Лісце з шэлестам льецца\\
на траву,\\
на чабор.\\
Зелянейшым здаецца\\
ад святла ціхі бор.\\
\\
Клін ляціць жураўліны\\
над зямлёй\\
наўскасяк.\\
Заірдзелі каліны.\\
Пажаўцеў беразняк.\\
\\
Каля клёнаў барвовых\\
вецер кружыць лісты.\\
У гаях,\\
у дубровах\\
лістапад залаты.

 


===== Падобныя старонкі =====
  * [[творы/васіль-вітка/васіль-вітка-лістапад]]
  * [[творы/станіслаў-шушкевіч/станіслаў-шушкевіч-лістапад]]
  * [[творы/васіль-вітка/васіль-вітка-лістапад-946]]
  * [[ibdc.ped>кінафестываль-лістапад]]
  * [[творы/эдуард-акулін/эдуард-акулін-асенні-рытурнэль]]