~~META:
title = Віктар Гардзей — Коцікі на вярбе
&keywords = вярбе, коцікі
&abstract = Чытаць верш Віктара Гардзея "Жураўліная труба..."
&iftrue = nan
~~

====== Віктар Гардзей — Коцікі на вярбе ======
Жураўліная труба\\
Праспявала весела.\\
Косы доўгія вярба\\
Над вадою звесіла.\\
\\
Песні звонкай не ў журбе\\
Долы адгукнуліся.\\
Раннем ясным на вярбе\\
Коцікі прачнуліся.\\
\\
Гнёзды гай стары сагрэў,\\
Сонейка ўсміхаецца.\\
У змакрэлым вецці дрэў\\
Птушкі звонка раяцца.\\
\\
І звіняць, удаль бягуць\\
Ручайкі срабрыстыя.\\
На вярбе цвітуць, цвітуць\\
Коцікі пушыстыя.\\
\\
Завірухі адгулі,\\
Сцюжы больш не сцюжацца.\\
Пчолы, мушкі, матылі\\
Над вярбою кружацца.

 


===== Падобныя старонкі =====
  * [[творы/віктар-гардзей/віктар-гардзей-каламутная-вада]]
  * [[творы/віктар-гардзей/віктар-гардзей-лясная-трывога]]
  * [[творы/віктар-гардзей/віктар-гардзей-падарожжа-ў-цельшына]]
  * [[творы/віктар-гардзей/віктар-гардзей-бедная-басота-урывак]]
  * [[творы/віктар-гардзей/віктар-гардзей-старыя-жорны]]