~~META:
title = Віктар Гардзей — Гультайка
&keywords = гняздо
&abstract = Верш Віктара Гардзея "Гультайка"
&iftrue = nan
~~

====== Віктар Гардзей — Гультайка ======
Мець сваё гняздо – ці чулі? –\\
Захацелася зязюлі.\\
Сойка вучыць: – Ты з ялінак\\
Наламі сухіх галінак.\\
Раіць ластаўка: – За рэчкай\\
Глею многа для гняздзечка.\\
Дзяцел кажа: – Слухай, любка,\\
Выдзеўбі дупельца дзюбкай.\\
Бусел хмыкнуў: – Лепш вясною\\
Кола зацягні на хвою.\\
Птушкі ўсе ляцяць з парадай,\\
Ды зязюля ім не рада:\\
– Гэта столькі многа працы?\\
Не, не трэба мне палацы!\\
І ў гняздо заранцы яйка\\
Зноў падкінула гультайка.

 


===== Падобныя старонкі =====
  * [[творы/янка-брыль/птушкі-i-гнёзды-гнёзды-за-дымам-аповесць]]
  * [[творы/янка-брыль/раман-янкі-брыля-птушкі-і-гнёзды-вобраз-]]
  * [[ibdc.ped>птушкі-шчасця]]
  * [[творы/янка-брыль/птушкі-i-гнёзды-сцюдзёны-вырай-аповесць-]]
  * [[творы/янка-брыль/увесь-свет-адзін-дом-па-раману-янкі-брыл]]