Пісьменства

Гэтая старонка толькі для чытання. Вы можаце паглядзець яе зыходны тэкст, але не можаце яго змяніць. Паведаміце адміністратару, калі лічыце, што гэта няправільна.
~~META:
title = Віктар Гардзей — Быль урочышча Рэпіхава
&keywords = Чачота, вялікія, Рэпіхава, Шчары
&abstract = Чытаць урывак з артыкула Віктара Гардзея "Быль урочышча Рэпіхава"
&iftrue = nan
~~

====== Віктар Гардзей — Быль урочышча Рэпіхава ======
//**урывак з артыкула**//\\
\\
У школьных падручніках (дзесьці яшчэ на пачатку шасцідзясятых гадоў) пра [[постаці/ян-чачот|Яна Чачота]] пісалася вельмі скупа, ды і тыя мізэрныя звесткі былі надрукаваны дробным шрыфтам. Але час усё ставіць на месцы, вяртае з забыцця імёны лепшых сыноў Беларусі, і сёння, бадай, не знойдзецца чалавека, які б не ведаў Яна Тадэвушавіча Чачота – яркую зорку нацыянальнага Адраджэння, аднаго з заснавальнікаў новай беларускай літаратуры, сябра польскага паэта [[постаці/адам-міцкевіч|Адама Міцкевіча]]. Наш славуты зямляк, хоць нарадзіўся і жыў у часы прыгонніцтва, пісаў на пагарджанай магнатамі сялянскай мове, збіраў і вывучаў фальклор, пакінуўшы нашчадкам багатую спадчыну. Вялікія людзі на тое і вялікія, каб іхняе жыццё і лёс пастаянна прываблівалі даследчыкаў неспадзяванымі загадкамі і тайнамі.\\
Вось і гэтая быль – з таго ж самага шэрагу.\\
Калі ехаць у Залужжа, што некалькімі дзясяткамі хат раскінулася наўсцяж ціхаплыннай Шчары, то акурат на паўдарозе, між вёскамі Крывошын і Нетчын, зялёным астраўком сярод маўклівых палёў і заліўных лугоў ушчамілася маляўнічае ўрочышча Рэпіхава. Расказваюць, дзесьці паблізу, ідучы на Маскву, Напалеон з высокага капца, насыпанага салдатамі, аглядаў сваё войска і тут жа, на Шчары, амаль бяззбройныя байцы Чырвонай Арміі, абараняючы мост, надоўга заступілі шлях фашысцкім калонам. Ад фрацузскага нашэсця ў тутэйшых мясцінах застаўся знакаміты курган, ад першай імперыялістычнай вайны – даўно разбураныя акопы і безліч абеліскаў. Бурныя вятры двух стагоддзяў прашумелі над Рэпіхавым, і яшчэ стаяць у ім, чаруючы велічнай панурасцю, векавыя дрэвы, якія, акрамя кровапралітных бітваў, помняць багата іншых дат і падзей.\\
Да нядаўняга часу, ды і то сярод мясцовага насельніцтва, Рэпіхава было вядомае як родавае памесце графаў Патоцкіх, але ніхто з сучаснікаў нават і не падазраваў, што гэтае слыннае ўрочышча самым цесным чынам звязана з імем Яна Чачота. Сюды ўпершыню, здаецца, зусім выпадкова я трапіў роўна трыццаць гадоў таму назад, калі яшчэ бязвусым хлопцам працаваў у ляхавіцкай раённай газеце.

 


===== Падобныя старонкі =====
  * [[творы/віктар-гардзей/віктар-гардзей-каламутная-вада]]
  * [[творы/віктар-гардзей/віктар-гардзей-лясная-трывога]]
  * [[творы/віктар-гардзей/віктар-гардзей-старыя-жорны]]
  * [[творы/віктар-гардзей/віктар-гардзей-падарожжа-ў-цельшына]]
  * [[творы/віктар-гардзей/віктар-гардзей-бедная-басота-урывак]]