~~META:
title = Віктар Гардзей — Барсук і сарока
&keywords = барсук, сарока, снег
&abstract = Верш Віктара Гардзея "Барсук і сарока"
&iftrue = nan
~~

====== Віктар Гардзей — Барсук і сарока ======
Прыйшла вясна, снягі расталі,\\
і птушкі ў пушчы засвісталі.\\
Барсук зірнуў з нары глыбокай.\\
– Праспаў зіму! – крычыць сарока.\\
\\
– Скажы, аднак, – барсук пытае, –\\
калі ж яна зноў завітае?\\
– Як толькі нагуляеш тлушчу,\\
тады і снег засыпле пушчу.\\
\\
Барсук да ежы так ахвочы:\\
палюе нават сярод ночы.\\
Яшчэ не выпадзе снег белы –\\
ён ляжа ў спячку, растаўсцелы.\\
\\
Сарока ж не дае праходу:\\
– Барсук зімы не бачыў зроду!

 


===== Падобныя старонкі =====
  * [[творы/віктар-гардзей/віктар-гардзей-лясная-трывога]]
  * [[ibdc.ped>сарока-нянька]]
  * [[творы/віктар-гардзей/віктар-гардзей-сарочына-цырульня]]
  * [[ibdc.ped>сарока-белабока]]
  * [[творы/ян-баршчэўскі/белая-сарока]]