~~META:
title = Віктар Гардзей — Апалон
&keywords = апалон
&abstract = Чытаць верш Віктара Гардзея "Апалон"
&iftrue = nan
~~

====== Віктар Гардзей — Апалон ======
Матылёк, названы апалонам,\\
Тут, на Беларусі, рэдкі госць.\\
Вось чаму ахоўваюць законам\\
Дзіўную такую прыгажосць.\\
\\
Ён жыве наогул там, дзе сопкі,\\
Дзе з гарамі зліўся небасхіл.\\
Буйныя аранжавыя кропкі –\\
Яркая аздоба снежных крыл.\\
\\
На палянах у цішы вясковай\\
Кружыцца між кветак і травы.\\
Апалона спудзіш выпадкова –\\
Упадзе на дол як нежывы.\\
\\
Прыляцеў да нас з лугоў альпійскіх,\\
Дык сачок, аматар, выкінь вон.\\
Беларускі, польскі ці латвійскі,\\
Апалон заўсёды апалон!

 


===== Падобныя старонкі =====
  * [[творы/віктар-гардзей/віктар-гардзей-лясная-трывога]]
  * [[ibdc.ped>ці-прыляціць-адмірал]]
  * [[ibdc.ped>захапленне-прыгажосцю]]
  * [[ibdc.ped>матылёк]]
  * [[ibdc.ped>матылёк-паводле-у-аляхновіча]]