~~META:
title = Вера Вярба — Схіляецца ніва да самай зямлі...
&keywords = зямлі
&abstract = Верш Веры Вярбы "Схіляецца ніва да самай зямлі..."
&iftrue = nan
~~

====== Вера Вярба — Схіляецца ніва да самай зямлі... ======
Схіляецца ніва да самай зямлі,\\
У кветках паснулі ад спёкі чмялі,\\
\\
На лапах замшэлых калышацца бор,\\
І пахам дурманіць духмяны чабор.\\
\\
Як добра стаміцца ад цяжкіх дарог,\\
Схіліцца ў знямозе пад елку на мох\\
\\
І слухаць так прагна, і соладка сніць,\\
Як срэбны жаўрук над палямі звініць.\\
\\
Хвалюецца жыта у спелай красе,\\
Чмель з вусаў пылок асцярожна трасе...\\
\\
Зямля залатая з цяжарам палёў\\
І з пошумам рэчак і цёмных бароў,\\
Паслухай маленькага сэрца любоў!

 


===== Падобныя старонкі =====
  * [[ibdc.ped>беражыце-прыроду]]
  * [[творы/якуб-колас/карціны-роднай-прыроды-ў-паэме-новая-зям]]
  * [[ibdc.ped>зімовы-начлег]]
  * [[ibdc.ped>чалавек-і-прырода]]
  * [[ibdc.ped>крыштальны-звон-бяроз]]