~~META:
title = Вера Вярба — Ручай і ялінка
&keywords = лесе, песня
&abstract = Верш Веры Вярбы "Ручай і ялінка"
&iftrue = nan
~~

====== Вера Вярба — Ручай і ялінка ======
– Ялінка-ялінка,\\
пра што ты шапочаш?\\
Аб чым ты сумуеш,\\
сказаць нешта хочаш?\\
\\
Дзень сёння пагожы,\\
снег выпаў так рана,\\
стаіш ты прыгожа\\
і светла прыбрана.\\
\\
– Я ўспомніла лета:\\
пад хвояй імглістай\\
на сонцы іскрыўся\\
ручай серабрысты.\\
\\
Ён быў, як званочак,\\
адзіны ў лесе,\\
і днём і ўночы\\
спяваў сваю песню.\\
\\
Ды песня замоўкла,\\
як сцюжа настала,\\
і ў лесе самотна\\
і холадна стала.

 


===== Падобныя старонкі =====
  * [[ibdc.ped>па-дарозе-са-школы]]
  * [[творы/эдуард-валасевіч/эдуард-валасевіч-ручай-і-возера]]
  * [[творы/вера-вярба/вера-вярба-гусі-клічуць-у-вырай]]
  * [[творы/вера-вярба/вера-вярба-бабуліны-казкі]]
  * [[творы/вера-вярба/вера-вярба-пралеска]]