~~META:
title = Вера Вярба — Пралеска
&keywords = пралеска, белыя, бярозы
&abstract = Чытаць верш Веры Вярбы "Пралеска"
&iftrue = nan
~~

====== Вера Вярба — Пралеска ======
Белыя бярозы\\
Спалі на узлеску,\\
А сваю галоўку\\
Узняла пралеска.\\
\\
Тоненькую ножку\\
З-пад пярыны белай\\
На зямлю пралеска\\
Ставіла нясмела.\\
\\
А снягі наўкола –\\
Ні канца, ні краю.\\
Страшна стала кветцы:\\
– Я адна – жывая!\\
\\
Кажа зверху сонца:\\
– Зорачка лясная,\\
З новым нараджэннем\\
Я цябе вітаю!\\
\\
Белыя бярозы\\
Разам зашапталі:\\
– Мы цябе, пралеска,\\
Ўсю зіму чакалі.\\
\\
І старая елка\\
Голасна ўздыхнула:\\
– Вясна надыходзіць,\\
А зіма мінула.

 


===== Падобныя старонкі =====
  * [[ibdc.ped>першы-снег]]
  * [[творы/казімір-камейша/казімір-камейша-першы-снег]]
  * [[творы/якуб-колас/якуб-колас-першы-снег]]
  * [[ibdc.ped>першы-снег-3700]]
  * [[творы/юрась-свірка/юрась-свірка-з-першым-снегам]]