~~META:
title = Вера Вярба — Мой край
&keywords = край
&abstract = Чытаць верш Веры Вярбы "Мой край"
&iftrue = nan
~~

====== Вера Вярба — Мой край ======
Ад ветру гнуцца вербалозы,\\
Бяжыць дарога напрасткі.\\
Мой край – бялюткія бярозы\\
Абапал сіняе ракі.\\
\\
Мой край – лугі і пералескі,\\
Крыніцы звон і шум лясны,\\
Мой край – блакітныя пралескі\\
На сцежках ранняе вясны.\\
\\
Высока ў небе вырай кружыць,\\
Ляціць за сіні небакрай.\\
Не забывай ніколі, дружа,\\
Сваю зямлю, свой родны край.

 


===== Падобныя старонкі =====
  * [[творы/янка-купала/тэма-народнага-жыцця-і-любоў-да-радзімы-]]
  * [[творы/алесь-разанаў/алесь-разанаў-радзіма]]
  * [[ibdc.ped>скарбы-нашай-радзімы]]
  * [[творы/алесь-бачыла/алесь-бачыла-радзіма-мая-дарагая]]
  * [[ibdc.ped>ганарымся-бацькаўшчынай]]