~~META:
title = Вера Вярба — Матуліны рукі
&keywords = матуліны, рукі
&abstract = Чытаць верш Веры Вярбы "Матуліны рукі"
&iftrue = nan
~~

====== Вера Вярба — Матуліны рукі ======
З маленства яны нас\\
Да сэрца гарнулі,\\
Пяшчотныя, добрыя\\
Рукі матулі,\\
Што з ранку працуюць\\
Няспынна і лоўка –\\
Дачушку накормяць,\\
Прычэшуць галоўку,\\
Кашулю пашыюць,\\
Правераць задачу\\
I сына суцешаць,\\
Калі той заплача.\\
Матуліны рукі\\
Нас цешаць, галубяць,\\
Так шчыра, як маці,\\
Ніхто нас не любіць.\\
Матуліны рукі –\\
Адзіныя ў свеце,\\
Шануйце, любіце\\
Заўсёды іх, дзеці.

\\


 


===== Падобныя старонкі =====
  * [[творы/янка-золак/янка-золак-ода-маці]]
  * [[ibdc.ped>i-надыходзіць-дзень]]
  * [[ibdc.ped>да-маці]]
  * [[ibdc.ped>на-скрыжаванні]]
  * [[ibdc.ped>сустрэча-з-маці]]