~~META:
title = Вера Вярба — Дожджык
&keywords = Дожджык, Дождж
&abstract = Чытаць верш Веры Вярбы "Дожджык"
&iftrue = nan
~~

====== Вера Вярба — Дожджык ======
Дожджык мые, палівае,\\
Дожджык песеньку спявае:\\
"Хто не любіць летні дождж,\\
Той не ходзіць басанож!"\\
Мы з бабуляй вельмі рады:\\
Цёплы дождж напоіць грады,\\
Кожны кусцік, і лясок,\\
І жытнёвы каласок.\\
Трэба ўсім дажджу напіцца,\\
Каб цвісці і каласіцца.\\
Дожджык, дожджык, палівай –\\
Будзе ўвосень ураджай!\\
Адышла за вёску хмарка,\\
Сонца выбліснула ярка,\\
Вольна дыхаюць палі...\\
Колькі шчасця на зямлі!

 


===== Падобныя старонкі =====
  * [[ibdc.ped>грыбныя-дажджы]]
  * [[творы/васіль-зуёнак/васіль-зуёнак-сонечны-дождж]]
  * [[творы/ніна-мацяш/ніна-мацяш-дажджынка]]
  * [[ibdc.ped>цана-дажджавой-кроплі]]
  * [[творы/васіль-хомчанка/васіль-хомчанка-дождж]]