~~META:
title = Вера Вярба — Дарагія бясконца мясціны...
&keywords = крыніцы, журавоў
&abstract = Чытаць верш Веры Вярбы "Дарагія бясконца мясціны..."
&iftrue = nan
~~

====== Вера Вярба — Дарагія бясконца мясціны... ======
Дарагія бясконца мясціны,\\
Ваш убор быў заўсёды такі:\\
Чырванеюць маністы рабіны,\\
Белы статак бяроз ля ракі.\\
\\
Ўсё гаворыць тут роднаю мовай:\\
Ад вясенніх грымот да бароў,\\
Ад азёр і шумлівай дубровы\\
Да асенняй журбы журавоў.\\
\\
Да якое ж крыніцы прыпасці?\\
У якія азёры глядзець?\\
Мне пра вашае добрае шчасце\\
Свае шчырыя песні прапець!

 


===== Падобныя старонкі =====
  * [[ibdc.ped>скарбы-нашай-радзімы]]
  * [[творы/алесь-бачыла/алесь-бачыла-радзіма-мая-дарагая]]
  * [[творы/янка-купала/тэма-народнага-жыцця-і-любоў-да-радзімы-]]
  * [[творы/алесь-разанаў/алесь-разанаў-радзіма]]
  * [[ibdc.ped>ганарымся-бацькаўшчынай]]