~~META:
title = Вацлаў Ластоўскі — Варона і рак
&keywords = гняздо, пытае, новае, каркае
&abstract = Чытаць байку Вацлава Ластоўскага "Варона і рак"
&iftrue = nan
~~

====== Вацлаў Ластоўскі — Варона і рак ======
Ляціць варона па-над ракой і каркае, ды так каркае, што не ўцярпеў рак сядзець у сваёй норцы і вылез паўзірацца, чаго яна галосіць. Вылез рак і пытае ў вароны:\\
– Чаго ты гэткі гвалт падняла?\\
– Чаго я гвалт падняла? Кожны будзе крычаць на маім месцы: гняздо, у якім я вясну веснавала і лета летавала, цяпер цалкам усё засмечана.\\
– А куды ж ты цяпер ляціш? – пытае рак.\\
– Новае гняздо шукаць!\\
Падумаў-падумаў рак дый кажа:\\
– Э, кумка, дарэмная твая турбота, бо ты ж і новае гняздо засмеціш...

 


===== Падобныя старонкі =====
  * [[творы/мікола-чарняўскі/мікола-чарняўскі-ці-рака-ці-ра-ка]]
  * [[творы/уладзімір-ягоўдзік/уладзімір-ягоўдзік-рак]]
  * [[творы/якуб-колас/якуб-колас-рак-вусач]]
  * [[творы/вацлаў-ластоўскі/вацлаў-ластоўскі-лабірынты]]
  * [[постаці/вацлаў-ластоўскі]]