Настаўніца сказала першакласнікам каб заўтра на ўрок матэматыкі кожны прынёс дзесяць палачак – будуць вучыцца складаць да дзесяці.
Дома Толік папрасіў маму купіць яму лічыльныя палачкі.
– А ці прадаюць іх? – спытала маці.
– Прадаюць. Я ведаю дзе. Сходзім.
І Толік прывёў маці ў кандытарскі магазін.
– Няўжо тут ёсць лічыльныя палачкі?! – здзівілася маці.
– Ёсць. Вунь цукеркі на палачках. Купі мне.
Маці ўсміхнулася і купіла Толіку дзесяць цукерак.
Дарогай Толік смактаў цукерку і думаў, што матэматыка – добрая навука. Хутчэй 6ы яны пачалі вучыцца лічыць да ста. Колькі б палачак тады спатрэбілася!

• васіль-хомчанка/васіль-хомчанка-звон-пад-зямлёй
• васіль-хомчанка/васіль-хомчанка-янкава-рукавічка
• васіль-хомчанка/васіль-хомчанка-яблык
• васіль-хомчанка/васіль-хомчанка-дзве-дашы
• васіль-хомчанка/васіль-хомчанка-білеты-у-цырк