~~META:
title = Васіль Хомчанка — Снег
&keywords = цяплей, вожыку, снег
&abstract = Чытаць апавяданне Васіля Хомчанкі "Снег"
&iftrue = nan
~~

====== Васіль Хомчанка — Снег ======
Зямля доўга ляжала голая, скамянелая ад марозу. А потым адной ноччу пайшоў снег і ўкрыў усё белай цёплай коўдрай.\\
Ромка дастаў з гарышча лыжы і памчаўся ў поле. Раздолле для хлопца!\\
Ромкаў бацька таксама радуецца. Маладыя яблынькі ў садзе цяпер не замерзнуць. Карані іх добра ўкрыты снегам.\\
I мядзведзю ў бярлозе цяплей стала. Вожыку – у кучы лісця, мышцы – у нары.\\
Усім цёпла, усе радуюцца.\\
Толькі беднаму зайку слёзы. Да зімы не паспеў шэрую поўсць змяніць на белую.

 


===== Падобныя старонкі =====
  * [[творы/васіль-хомчанка/васіль-хомчанка-білеты-у-цырк]]
  * [[творы/васіль-хомчанка/васіль-хомчанка-звон-пад-зямлёй]]
  * [[творы/васіль-хомчанка/васіль-хомчанка-дзве-дашы]]
  * [[творы/васіль-хомчанка/васіль-хомчанка-янкава-рукавічка]]
  * [[творы/васіль-хомчанка/васіль-хомчанка-яблык]]