~~META:
title = Васіль Хомчанка — Крыўда
&keywords = косцік, двойку, ўроку, намаляваў, маці, ката
&abstract = Чытаць апавяданне Васіля Хомчанкі "Крыўда"
&iftrue = nan
~~

====== Васіль Хомчанка — Крыўда ======
Вярнуўся Косцік са школы злосным.\\
– Ты чаму такі? – спытала маці.\\
– Мне двойку паставілі. За ката.\\
– За якога ката?\\
– Вось, – раскрыў Косцік сшытак. – Хіба я дрэнна яго намаляваў?\\
Кот быў прыгожы. Хвост – трубой, вусы белыя, шэрсць, як у тыгра, паласатая.\\
– Добры кот, – сказала маці.\\
– А настаўніцы не спадабаўся. Двойку паставіла.\\
– Ты, магчыма, сваволіў на ўроку выяўленчага мастацтва?\\
– Не, – адказаў Косцік. – У нас сёння не было малявання. Я намаляваў яго на ўроку матэматыкі.

 


===== Падобныя старонкі =====
  * [[творы/васіль-хомчанка/васіль-хомчанка-білеты-у-цырк]]
  * [[творы/васіль-хомчанка/васіль-хомчанка-яблык]]
  * [[творы/васіль-хомчанка/васіль-хомчанка-звон-пад-зямлёй]]
  * [[творы/васіль-хомчанка/васіль-хомчанка-янкава-рукавічка]]
  * [[творы/васіль-хомчанка/васіль-хомчанка-дзве-дашы]]