~~META:
title = Васіль Хомчанка — Галка
&keywords = кармушку, галка
&abstract = Чытаць апавяданне Васіля Хомчанкі "Галка"
&iftrue = nan
~~

====== Васіль Хомчанка — Галка ======
У агародчыку зляпіў я Дзеда Мароза са снегу. Дзе вочы – чорныя вугольчыкі ўторкнуў. А нос зрабіў з вялікай жоўтай морквы.\\
У рукі Дзеду Марозу даў скрыначку і насыпаў туды зярнят.\\
– Частуй птушак, – сказаў я яму, а сам зайшоў у хату і стаў каля акна.\\
Прыляцела першая сінічка. Піскнула, села на край скрыначкі, дзеўбанула раз, другі. Потым снягір апусціўся побач. А нахабны верабей залез у кармушку з нагамі.\\
Чорная галка з бярозы таксама заўважыла кармушку. Пераляцела на самую ніжнюю галінку, але спусціцца на кармушку не адважылася. Пакуль галка сядзела так ды аглядвалася, птушкі ўсё падзяўблі і разляцеліся.\\
Галка скокнула ў кармушку, а ў кармушцы пуста. Яна са злосці схапіла дзюбай моркву і паляцела з ёю.\\
I Дзед Мароз застаўся без носа.

 


===== Падобныя старонкі =====
  * [[творы/васіль-хомчанка/васіль-хомчанка-дзве-дашы]]
  * [[творы/васіль-хомчанка/васіль-хомчанка-звон-пад-зямлёй]]
  * [[творы/васіль-хомчанка/васіль-хомчанка-янкава-рукавічка]]
  * [[творы/васіль-хомчанка/васіль-хомчанка-білеты-у-цырк]]
  * [[творы/васіль-хомчанка/васіль-хомчанка-яблык]]