Пісьменства

Гэтая старонка толькі для чытання. Вы можаце паглядзець яе зыходны тэкст, але не можаце яго змяніць. Паведаміце адміністратару, калі лічыце, што гэта няправільна.

~~META:
title = Васіль Зуёнак — У грымотах ашалелых веку...
&keywords = лета, паэт
&abstract = Чытаць верш Васіля Зуёнка "У грымотах ашалелых веку..."
&iftrue = nan
~~

====== Васіль Зуёнак — У грымотах ашалелых веку... ======
У грымотах ашалелых веку\\
Вы не чулі, што гэта такое –\\
Зона абсалютнага спакою,\\
Аб якой лясы, палі і рэкі\\
Б'юць чалом штодзённа чалавеку,\\
Б'юць чалом, каб адпусціў на лекі\\
Цішыні хоць зернейка скупое?\\
\\
Па вясне, як трактары вяшчуюць\\
Нам дастатак, сытае налецце,\\
Па вясне, калі ў зялёным вецці\\
Цішыня не днюе, не начуе:\\
Цар прыроды цішыню карчуе,–\\
Аб такой хваробе вы не чулі,\\
Што перанапружаннем завецца?\\
\\
Нібы мор, яна няшчадна косіць\\
І звяроў, і птушак злой касою.\\
Страх няўтольны не зальеш расою –\\
І жаўрук з-пад колаў рвецца ў просінь,\\
Як з пажару, песню ён выносіць,\\
«Цішыні-і-і-і»,– тужліва каня просіць,\\
Сэрца не вытрымлівае ў соек.\\
\\
Аціхае рэха гаманкое,\\
І на змену песеннаму лету –\\
Шорах крыл сталёвых над планетай\\
І маё маленне трапяткое:\\
– Дайце ж зведаць, што гэта такое –\\
Зона абсалютнага спакою –\\
Птушкам, дрэвам...

Толькі не паэту

 


===== Падобныя старонкі =====
  * [[творы/васіль-зуёнак/васіль-зуёнак-сон]]
  * [[постаці/васіль-зуёнак]]
  * [[творы/васіль-зуёнак/васіль-зуёнак-у-люстэрку-свіцязі]]
  * [[творы/васіль-зуёнак/васіль-зуёнак-помнік]]
  * [[творы/васіль-зуёнак/васіль-зуёнак-гаварыла-маці]]