~~META:
title = Васіль Зуёнак — Сонечны дождж
&keywords = Зуёнак, сонечны, дождж
&abstract = Аналіз верша Васіля Зуёнка "Сонечны дождж"
&iftrue = nan
~~

====== Васіль Зуёнак — Сонечны дождж ======
Весела – пад звонкаю вясёлкай –\\
Выязджала хмарка з-за лясоў.\\
Лета перасмяглага асколкі\\
Шапацелі ў спеласці аўсоў.\\
\\
Сонцам атачонае прырэчча\\
Плавала ў сп'янеласці малін.\\
Гром няспешна грукнуў па-старэчы,\\
Як забіў у хмарку востры клін.\\
\\
Раздаліся трэшчыны агніста\\
Пырскаў залатых лінуўся рой.\\
І мільён праменьчыкаў яршыстых\\
Напярэймы ім ляцеў гурмой.\\
\\
Шухнуў кропель перагон кароткі:\\
З кожнае дажджынкі – па цвіку.\\
I дыхнула лёгка і салодка\\
Парнасцю ад цёплага пяску.

\\
Аналіз верша:\\
1. Пасля чытання верша паўстаюць малюнкі летняга дня. Сонечны дзень, вясёлка на небе, толькі што прайшоў «грыбны» дождж, усё абмыта дажджом: і спелыя маліны, і аўсы. Дажджынкі свецяцца і зіхацяць на сонцы, як каштоўныя камяні.\\
2. [[постаці/васіль-зуёнак|Васіль Зуёнак]] называе дождж сонечным, таму што неба чыстае, адна толькі хмара «выязджала з-за лясоў», вясёлка пераліваецца і зіхаціць.\\
3. Аўтар выкарыстоўвае сродкі мастацкай выразнасці (эпітэты, метафары, увасабленні), каб перадаць прыгажосць вобразаў.\\
Увасабленні: хмара выязджае, сонца плавае, гром няспешна грукнуў.\\
Эпітэты: звонкая вясёлка, залатыя пырскі, яршыстыя праменьчыкі, перасмяглае лета.\\
4. Яркія метафары: гром забіў у хмарку востры клін; з кожнае дажджынкі – па цвіку; сонцам атачонае прырэчча плавала ў сп'янеласці малін.\\
5. Пісьменнік у гэтых радках паказвае, як грымнула маланка і паліліся кроплі дажджу.

 


===== Падобныя старонкі =====
  * [[творы/васіль-зуёнак/васіль-зуёнак-у-люстэрку-свіцязі]]
  * [[творы/васіль-зуёнак/васіль-зуёнак-гаварыла-маці]]
  * [[творы/васіль-зуёнак/васіль-зуёнак-у-грымотах-ашалелых-веку]]
  * [[постаці/васіль-зуёнак]]
  * [[творы/васіль-зуёнак/васіль-зуёнак-сон]]