Ці ты зблізку, ці здалёк
Прыкаціўся, ручаёк?
Дзе ты быў і дзе ты жыў,
З кім гуляў і з кім дружыў?

Адказаў нам ручаёк:
– Я ні зблізку, ні здалёк –
Я з высокай хмаркі,
Што ляцела шпарка
Над палямі, над лясамі
І спынілася над вамі.

Вецер хмарку абярнуў –
Цёплы дожджык сыпануў!

За струменьчыкам струменьчык –
Дзе травінка, дзе каменьчык –
У абгонкі скок ды скок –
І радзіўся ручаёк.

Непаседа-весялун,
Гаманлівы булькатун –
Буду з вамі я гуляць,
Вам караблікі люляць!

• янка-галубовіч/янка-галубовіч-вожык-і-ручаёк
• васіль-зуёнак/васіль-зуёнак-гаварыла-маці
• васіль-зуёнак/васіль-зуёнак-сон
• васіль-зуёнак
• васіль-зуёнак/васіль-зуёнак-у-люстэрку-свіцязі